Облыста жалпы өлім-жітім 13,3%-ға төмендеді. Қан айналымы, тыныс алу және ас қорыту жүйесі ауруларынан болатын өлім деңгейі де азайып келеді. Кадр тапшылығы жыл басынан бері 144-тен 120 маманға дейін қысқарды.

«Ауылдық денсаулық сақтауды жаңғырту» жобасы аясында 8 ауданда 59 жаңа нысан салынды. Талдықорғанда 500 адамға арналған жаңа №3 емхананың құрылысы жүріп жатыр. Сондай-ақ, 15 блокты-модульдік кешен пайдалануға берілді.

Мемлекет басшысының тапсырмасына сәйкес, 2026 жыл цифрландыру және жасанды интеллект жылы болып жарияланды. Осы орайда, Жетісу облысының ірі ауруханаларында инсультті ерте анықтауға арналған жасанды интеллект негізіндегі КТ талдау жобасы енгізілуде. Бұл технология диагноз қою уақытын бірнеше есе қысқартуға мүмкіндік береді. Сондай-ақ, емдеу мекемелерінде Face ID және SMS-сәйкестендіру жүйелері арқылы қызмет көрсету ашықтығы қамтамасыз етілуде.

Аурудың алдын алу шаралары да назардан тыс қалған жоқ. Бірінші тоқсанда 34 мыңнан астам тұрғын скринингтен өтіп, соның нәтижесінде 52 адамнан қатерлі ісік ерте сатысында анықталды.