Бүгін таңертең Талдықорған қаласындағы №422 сайлау учаскесіне барып, өз азаматтық таңдауымды жасадым. Таңсәріден бастап учаскеге келіп жатқан тұрғындардың белсенділігі ерекше байқалды. Өз дауыстарын беруге асыққан әр жастағы азаматтарды көріп, жерлестеріміздің ел болашағына бейжай қарамайтынына тағы бір мәрте көз жеткіздім.

Сайлау учаскесіндегі ұйымшылдық пен тұрғындардың көтеріңкі көңіл-күйі де ерекше әсер қалдырды. Әрбір азаматтың осындай маңызды сәтте белсенділік танытуы – қоғамымыздың жауапкершілігі мен бірлігінің айқын белгісі.

«Бірлік бар жерде – тірлік бар» демекші, мұндай белсенділік – елдің ертеңіне деген сенім мен ортақ жауапкершіліктің көрінісі.