2026 жылдың басынан бері Жетісу облысында өңірдің кәсіпорындары мен ұйымдарында болған төтенше жағдайлар фактілері бойынша 20 арнайы тергеу тағайындалды.
Жетісу облысы бойынша Мемлекеттік еңбек инспекциясы департаменті басшысының орынбасарының мәліметінше, облыста ресми түрде 21 өндірістік жазатайым оқиға тіркеліп, салдарынан 27 қызметкер зардап шеккен. Оның ішінде 24 адам ауыр жарақат алса, 4 адам қаза тапқан.
Мемлекеттік органдардың мәліметінше, оқиғалардың басым бөлігіне қызметкерлердің адам факторы мен өрескел абайсыздығы себеп болған. Жалпы республика бойынша осындай 744 жағдай тіркелген. Сонымен қатар, жол қозғалысы ережелерін бұзу өндірісте 14 адамның қаза болуына әкелген.
Бұдан бөлек, қайғылы жағдайларға жеке қорғаныс құралдарын (каска, қолғап, арнайы аяқ киім) пайдаланбау, басшылық тарапынан бақылаудың жеткіліксіздігі, нұсқамаларды формалды түрде өткізу және ақаулы жабдықтарды пайдалану себеп болуда.