Жетісу облысы Қаратал ауданы Жанаталап ауылындағы №147 сайлау учаскесіне бір отбасының бірнеше буыны бірге келді, деп хабарлайды Kazinform агенттігінің тілшісі. Тұрғындар мен бақылаушылардың ерекше назарын Тасыбаевтардың үлкен әулеті аударды, олардың өкілдері азаматтық ұстанымдарын толық құрамда дерлік білдіруге шешім қабылдаған.

Үлкен әулеттің басында 88 жастағы «Алтын алқа» иегері Күлбағира апа тұр. Ол – 11 баланың анасы. Бүгінде оның 31 немересі мен 42 шөбересі бар. Жалпы алғанда, отбасы мүшелерінің саны 70-тен асады, оның 30-ы дауыс беру құқығына ие. Күлбағира Тасыбаева жасының үлкендігіне қарамастан, учаскеге балаларымен, немерелерімен және шөберелерімен бірге келді.

– Мен 11 баланы тәрбиелеп өсірдім және оларға әрқашан жауапты азамат болу керек екенін айтып отырамын. Бүгін біз бүкіл отбасымызбен – балаларым, немерелерім және шөберелеріммен бірге келдік. Біз үшін еліміз бен ұрпағымыздың болашағы маңызды, – дейді кейуана.

Комиссия мүшелерінің айтуынша, Тасыбаевтар отбасының үлгісі ауыл тұрғындарының белсенді азаматтық ұстанымының айқын көрінісі болды.

Айта кетейік, №147 сайлау учаскесі Балпық ауылдық округінің әкімшілік орталығы – Жанаталап ауылының мектебінде орналасқан. Мұнда 723 сайлаушы тіркелген. Округте барлығы 2 069 адам тұрады.