Қазақстанның Еңбек сіңірген қайраткері, Мәдениет саласының үздігі, Жетісу облысының бас ақыны Айтақын Бұлғақов референдумға қатысып, өз таңдауын жасады.
Белгілі өнер қайраткері ел өміріндегі маңызды саяси оқиғаға азаматтық жауапкершілікпен қарап, дауыс берудің маңыздылығын атап өтті. Оның айтуынша, әрбір азаматтың таңдауы елдің болашағын айқындайтын маңызды қадам.
Сондай-ақ ақын елдің бірлігі мен тұрақтылығы кез келген даму мен өркендеудің басты кепілі екенін атап өтті. Ол жас ұрпақты ел тағдырына бейжай қарамауға, қоғамдағы маңызды бастамаларға белсенді араласуға шақырды.
Өнер иесінің айтуынша, халықтың ауызбіршілігі мен жауапкершілігі — мемлекет дамуының берік негізі. Сондықтан мұндай маңызды саяси науқандарға қатысу әр азаматтың ел алдындағы азаматтық міндеті болып саналады.
