Жазиралы Жаркент қаласының ғасыр жасаған тұрғыны, абыз ана, әз әже Тұран Бакиева бүгін елмен бірге өз таңдауын жасады, – деп хабарлайды 7-su.kz ақпараттық порталы.

Қос ғасырдың кәугері болған, тәуелсіздік жылдарынен бергі саяси науқанның бәрінен қалыс қалмай, егемен елдің ертеңі үшін ақ тілеуін арнап келе жатқан асыл нәсіл ана 1926 жылдың 1 қаңтарында дүниеге келген.

Тауанды тарихтағы талай оқиғаны бастан кешкен елінің естелігін жадына тұтқан, жақсылыққа көзайым бола білген абзал әже ғасырды еңсерген шағында да ел ертеңі үшін маңызды қадам жасады. Ол еліміз бойынша өтіп жатқан референдумда дауыс беру үшін үйіне референдум учаскесін шақырған.

Өз шаңырағында таңдауын жасаған әжей бес баланы дүниеге әкеп, 19 немере, 44 шөбере, 22 шөпшек сүйіп отырғанын да айта кеткен жөн. Оған қоса, жара жердің қадірін біліп, жастайынан трактор айдаған Тұран әжеміз:

«Бүгінгі ұрпақ бейбітшіліктің қасиетін бағалау керек», – дейді.